యుద్ధ కాండము-28

శ్రీరాముడు-యోగరహస్యము-యుద్ధ కాండము-28

హనుమ సంజీవని పర్వతమును తీసుకొని వచ్చుట
జాంబవంతుడు హనుమతో "కపివరా! ఈ వానరులను కాపాడుటకు నీవే సమర్థుడవు. కావున ముందునకు వచ్చి కటిబద్ధుడవు కమ్ము. పరాక్రమించుటకు నేవే సమర్థుడవు, ఇదియే తగిన సమయము. వ్యధకు గురియైన ఈ రామలక్ష్మణులకు గ్రుచ్చుకొన్న బాణములను తొలగింపుము. నీవు వెంటనే సముద్రము మీదుగా అంతరిక్షమున పయనించి హిమవత్పర్వతమునకు వెళ్లుము. అక్కడ ..
 

తతః కా౦చన మ౭త్యుచ్ఛమ్ ఋషభం పర్వతోత్తమమ్
కైలాస శిఖరం చా౭పి ద్రక్ష్య స్య౭రినిషూదన           6.74.30
 

తయోః శిఖరయో ర్మధ్యే ప్రదీప్త మ౭తుల ప్రభమ్
సర్వౌషధి యుతం వీర ద్రక్ష్యసి ఔషధి పర్వతమ్  6.74.31
 

తస్య వానర శార్దూల చతస్రో మూర్ధ్ని సంభవాః
ద్రక్ష్య స్యోషధయో దీప్తా దీపయన్త్యో దిశో దశ 6.74.32
 

మృత సంజీవనీం చైవ విశల్య కరణీమ్ అపి
సావర్ణ్య కరణీం చైవ సంధాన కరణీ౦ తథా 6.74.33
 

తాః సర్వా హనుమన్ గృహ్య క్షిప్ర మా౭౭ గన్తు మ౭ర్హసి
ఆశ్వాసయ హరీన్ ప్రాణై ర్యోజ్య గన్ధవహా౭౭త్మజ 6.74.34
 

హనుమా! హిమాలయ పర్వతములపై నీకు స్వర్ణమయమై, అత్యున్నమైన "వృషభగిరి" అను ఒక మహాపర్వతము, కైలాస శిఖరము కనబడును. ఆ వృషభగిరికిని కైలాస శిఖరమునకు మధ్య సాటిలేని తేజస్సుతో చక్కగా వెలుగొందు చుండెడి "ఓషది పర్వతము" కనబడును. అది వివిధములగు ఓషదులకు నిలయము. ఆ శిఖరంపై దివ్యములైన నాలుగు ఓషదులు నీకు గోచరించును. అవి దివ్య కాంతులతో దశ దిశలను ప్రకాశింప చేయుచుండును. మృతసంజీవని, విశల్యకరణి, సంధానకరణి, సావర్ణ్యకరణి అను నాలుగు మహౌషదులను[1] తీసుకొని శీఘ్రముగా మరలి రమ్ము.  ఆ ఓషదుల ప్రభావంతో వానరులను సజీవులను గావించి వారికి స్వస్థత గూర్పుము. అప్పుడు హనుమ జాంబవంతుని మాటలను విన్నంతనే రెట్టించిన పరాక్రమముతో, శ్రీరాముని ధ్యానము చేసి, ఆకాశ గమనమునకు వీలుగా ప్రాణవాయువును నిరోధించి,  త్రికూట పర్వతము నుంచి ప్రచండ వేగముతో మింటికి ఎగిరెను. అప్పుడు ఆ కపివీరుని వేగమునకు వృక్ష సమూహములు, గిరిశిఖరములు, మహాపాషాణములు, త్రికూట పర్వతముపై స్థిర నివాసమున్న వానరములు పైకి ఎగిరి కొంత తడవు పిమ్మట బలహీన పడి సముద్రములో పడిపోయినవి. ఈ విధముగా హనుమ ఆకాశమార్గమున/అంతరిక్షము పయనించి హిమవత్పర్వతమును గాంచెను.  ఆ పర్వత ప్రదేశమున బ్రహ్మ నివాస స్థానము, కైలాసము, ఇంద్రుడు నివశించు ప్రదేశము, శివుడు విలాసముగా తన శరములను ప్రయోగించెడి భూమి, హయగ్రీవుడు ఆరాధించెడి స్థానము, ఈశ్వరునిచే ఖండితమైన బ్రహ్మ శిరస్సు పడిన చోటు, యమకింకరులు అప్పుడప్పుడు విశ్రాంతిగైకొనెడి ప్రదేశము, బ్రహ్మ ఇంద్రునకు వజ్రాయుధమును అనుగ్రహించిన ప్రదేశము, కుబేరుని నిలయము, సూర్యుని భార్య యగు ఛాయాదేవి[2] ప్రీతి కొరకు సూర్యకాంతిని తగ్గించుటకై విశ్వకర్మ భాస్కరుని బంధించిన ప్రదేశము, దేవతలకు దర్శనము కొరకై బ్రహ్మ ఆసీనుడగు ప్రదేశము, శంకరుడు తన ధనస్సును నిలిపెడు చోటు, పాతాళమును ప్రవేశించు ప్రదేశము మున్నగు విశిష్ట స్థానములను ఆ మారుతి దర్శించెను. జాంబవంతుని సూచన ప్రకారము సర్వఔషధ పర్వతమును మారుతి గాంచెను. అతడు ఆ పర్వతమునకు ప్రదక్షణమొనర్చి తనకు అవసరమగు ఓషదులకొరకై అన్వేషింప సాగెను. అప్పుడు ఆ దివ్య ఔషదములు తమను తీసుకొనిపోవుటకు ఎవరో వచ్చినారని గ్రహించి అదృశ్యమాయెను. అప్పుడు హనుమ ఆ ఓషదులు శ్రీరామునికి వారు చేయుచున్న అనాదరణకు క్రుద్ధుడై ఆ పర్వతమును పెకిలించి, చేబూని, ఆకాశమునకు ఎగిరెను. ప్రచండ వేగముతో ఆ పర్వతమును గైకొని త్రికూట పర్వతమునగల వానర సైన్యము మధ్య దిగెను.  ఆ ఓషదుల ప్రభావమున రామలక్ష్మణులకు తగిలిన గాయములు మటుమాయముగాగా ఎప్పటివలె తేజోమూర్తులైరి. పిమ్మట వానరులు గూడ స్వస్థత చేకూరి పునర్జీవితులై, గాయములు తొలగి, ఆరోగ్యవంతులైరి. వానర రాక్షస వీరుల మధ్య నేటి వరకు జరిగిన యుద్ధములో మృతులైన రాక్షసులను, రావణుని ఆజ్ఞ మేరకు ఆయన గౌరవము నిలుపుటకై సముద్రమున పడవేసిరి. అందువలన మృతులైన రాక్షసులు ఎవరును పునర్జీవితులు కాలేదు. తరువాత మారుతి ఆ ఓషధీశైలమును శీఘ్రముగా హిమవత్పర్వతమునకు చేర్చి మరుక్షణమే శ్రీరాముని వద్దకు వచ్చెను.
శ్రీరామ జయరామ జయజయ రామ
[1]
"మృతం సంజీవయతి ఇతి మృతసంజీవనీ":  మృతి చెందిన వారిని బ్రతికించునది.
"జీవనానంతరం సంచారక్షమాతాయై విశల్యం కరోతి - ఇతి విశల్యకరణీ": ప్రాణములు వచ్చిన పిమ్మట అటునిటు సంచరించుటకు వీలుగా బాధలను తొలగించునది.
"విశల్యేకృతే  త్వచస్సంధానం కరోతి ఇతి సంధానకరణి": గాయములు మానినంతనే చర్మమును యథాస్థికి తెచ్చునది.
"తథోవ్రణ కృత వైవర్ణం విహాయ ప్రదేశాంతర సావర్ణ్యం కరోతి ఇతి సావర్ణ్యకరణి": గాయములు మానిన చోట్ల ఏర్పడిన మచ్చలను రూపుమాపి, యథాప్రకారముగా శరీరమును (చర్మమును) శోభిల్ల చేయునది.
[2] ఉష, పద్మిని, ఛాయ, సంజ్ఞ అను నలుగురును సూర్యుని భార్యలు. ఛాయ యొక్క కుమారుడు శని. సంజ్ఞ యొక్క కుమారుడు  

యుద్ధ కాండము-27

శ్రీరాముడు-యోగరహస్యము-యుద్ధ కాండము-27
ఇంద్రజిత్తు యుద్ధ విజృంభణ
 

సూర్యకాంతితో ఆకాశము ప్రకాశించునట్లు ఇంద్రజిత్ యుద్ధభూమిని జేరెను. తన రథము చుట్టూ సైనికులను నిలిపెను. రాక్షస శ్రేష్ఠుడు మంత్రపూర్వకముగా అగ్నిహోత్రములో హోమము చేసెను. హవిస్సులతో, మాలికల్తో, గంథములతో అగ్నిహోత్రుని ఆరాధించెను. శస్త్రములను, రెల్లును అగ్నిహోత్రమునకు చుట్టును అర్పించెను. ఉక్కుతో హోమము చేయు సాధనమును అనగా స్రువమును కల్పించెను. యుద్ధభూమి యందు అగ్ని చుట్టును దర్భలను, చిన్న ఈటెలను పరచి, సజీవంగా యున్న నల్లని మేక యొక్క కంఠమును పట్టుకొనెను. పిదప దానిని అగ్నికి ఆహుతి ఇచ్చెను. అప్పుడు పొగలేని అగ్నిజ్వాలలు ఒక్కసారిగా ప్రజ్వలించినవి. అందు విజయ సూచకమైన చిహ్నములు గోచరించినవి. అంతట అగ్నిదేవుడు మేలిమి బంగారు ఆభరణములను ధరించి ప్రదక్షణ పూర్వకముగా తిరుగుచున్న జ్వాలలు గలవాడై స్వయముగా వచ్చి ఆ ఆహుతిని (హోమద్రవ్యమును) స్వీకరించెను. తదుపరి ఇంద్రజిత్తు బ్రహ్మాస్త్రమును ఆవాహనమొనర్చి, తనధనస్సును, రథమును అచట ఉంచి, బ్రహ్మాస్త్ర మంత్రములచే వాటిని అభిమంత్రించెను. ఆ రావణ సుతుడు అగ్నికి హవిస్సులను సమర్పించుచు, బ్రహ్మాస్త్రమును ఆహ్వానించుచున్నప్పుడు సూర్యచంద్రులు, నక్షత్రములు, అంతరిక్షమున గల ఇతర ప్రాణులు భీతికి లోనయ్యెను. అగ్నివలె తేజోమూర్తియు, మహేంద్రుని వలె మిక్కిలి ప్రభావశాలియు, అద్భుతమైన మంత్రశక్తి గలవాడును ఐన ఇంద్రజిత్తు తన అగ్నికార్యములు (హోమములు) పూర్తియైన పిమ్మట ధనుర్భాణములతో, ఖడ్గములతో రథాశ్వములతో, సారథితో సహా కూడి ఆకాశమునకు ఎగిరి అంతర్ధానమయ్యెను.  అప్పుడు జరిగిన మహాసంగ్రామములో ఇంద్రజిత్తు బాణపు దెబ్బలచే అనేకమైన వానరులు నెలకొరిగిరి. కాలాగ్ని వలె వానరులందరూ దహించుచుండిరి. వానర సైన్యమంతయు బాణములచే మూర్ఛ నొందెను. రక్తము స్రవించు చుండెను. సైన్యము వ్యాకులము నొందెను. ఇది చూసి ఇంద్రజిత్తు ప్రీతీ నొందెను. అప్పుడు ఇంద్రజిత్తు తన సైన్యమును వదలి తాను ఎవ్వరికి కనబడకుండా తీవ్రమగు కారుమబ్బు జలధారలు వర్షించునట్లు బాణవర్షమును వర్షించు చుండెను. ఆ బాణవర్షముచే రామలక్ష్మణులను సైతము చీకాకు పరచెను. రాముడు మహాశక్తి  కలవాడయ్యు  ఇంద్రజిత్తు వర్షించుచున్న బాణములను చూచి లక్ష్మణునితో "లక్ష్మణా! యీతడు బ్రహ్మాస్త్రముచే మన సైన్యము నంతయు పడగొట్టి మనలను కూడా చీకాకు పరచుచున్నాడు. బ్రహ్మ ఒసగిన వరముచే మనకు కనబడకుండా ఆకాశమున సంచరించుచున్నాడు. కావున ధైర్యముతో ఓరిమి వహించుము". అనెను. ఇంద్రజిత్తు హర్షముతో రామలక్ష్మణులతో సహా వానర వీరులందరు నేలపై పడి యుండుట చూచి విజయగర్వంతో లంకలో ప్రవేశించెను. ఈ విధముగా ..
 

సప్త షష్టి ర్హతాః కోట్యో వానరాణాం తరస్వినామ్
అహ్నః ప౦చమ శేషేణ వల్లభేన స్వయమ్భువః  6.74.12
 

ఇంద్రజిత్తు ప్రయోగించిన బ్రహ్మాస్త్ర ప్రభావముచే మిగుల బలపరాక్రమవంతులైన వానరులు అరువదియేడు కోట్ల మంది ఆ సాయంకాలమున హతులైరి. భీతిని కొల్పుచున్న వానర సైన్యమును చూచి హనుమంతుడు, విభీషణుడు జాంబవంతుని వెతకసాగిరి. వయోవృద్ధుడు, బ్రహ్మదేవుని సుతుడు అయిన జాంబవంతుడు బాణములచే గాయపడి యుండుట చూచిరి. వారు జాంబవంతునితో నీ ప్రాణములకు ముప్పు వాటిల్లలేదుగదా అని అడిగిరి. అప్పుడు జాంబవంతుడు విభీషణునితో …..
 

అ౦జనా సుప్రజా యేన మాతరిశ్వా చ నైరృతా
హనూమాన్ వానర శ్రేష్ఠః ప్రాణాన్ ధారయతే క్వచిత్ 6.74.18
 

శ్రుత్వా జామ్బవతో వాక్యమ్ ఉవా చేదం విభీషణః
  ఆర్య పుత్రా వ౭తిక్రమ్య కస్మాత్ పృచ్ఛసి మారుతిమ్  6.74.19
 

 నైవ రాజని సుగ్రీవే నా౭౦గదే నా౭పి రాఘవే
 ఆర్య సందర్శితః స్నేహ: యథా వాయు సుతే పరః 6.74.20

 విభీషణ వచః శ్రుత్వా జామ్బవాన్ వాక్యమ్ అబ్రవీత్
 శృణు నైరృత శార్దూల యస్మాత్ పృచ్ఛామి మారుతిమ్   6.74.21
 

 తస్మిన్ జీవతి వీరే తు హత మ౭ప్య౭హతం బలమ్

 హనూమ త్యుజ్ఝిత ప్రాణే జీవన్తోఽపి వయం హతాః            6.74.22
 

 ధరతే మారుతి స్తాత మారుత ప్రతిమో యది

 వైశ్వానర సమో వీర్యే జీవితా౭౭శా తతో భవేత్                6.74.23
 

అంజనాపుత్రుడు, వానరోత్తముడైన హనుమ క్షేమముగా యున్నాడా! అని అడిగెను. అందుకు విభీషణుడు జాంబవంతునితో, రామలక్ష్మణుల క్షేమ సమాచారం గాకుండా హనుమ క్షేమము అడిగావు కారణమేమని అడిగెను. అందుకు జాంబవంతుడు హనుమ జీవించి యున్నచో వానర సైన్యము చచ్చినను, బ్రతికి యున్నట్లే, ఆ మారుతి ప్రాణములను విడిచినచో మనమందరము బ్రతికి యున్నను చచ్చిన వారితో సమానమే. పిదప వాయుసుతుడైన హనుమ జాంబవంతునికి ప్రణమిల్లెను.

యుద్ధ కాండము-26

శ్రీరాముడు-యోగరహస్యము-యుద్ధ కాండము-26
 

రావణుని కుమారులు, పినతండ్రులు నిహతులగుట
అనంతరము రావణుని సూచన మేరకు రావణుని కుమారులైన త్రిశరుడు, దేవాంతకుడు, నరాంతకుడు, అతికాయుడు, రావణుని సోదరులగు మహోదర, మహాపార్శ్వులు రావణునికి నమస్కరించి మృత్యుప్రేరితులై యుద్ధోత్సాహముతో బయలుదేరిరి. ఆయుధపు దెబ్బలు తగిలితే నొప్పి లేకుండా చేసే పదివిధములగు ఓషధులను తమతో ఉంచుకొనిరి.  అప్పుడు జరిగిన యుద్ధమున అంగదుడు నరాంతకుని, హనుమ దేవాంతకుని మరియు త్రిశురుని నీలుడు మహోదరుని, ఋషభుడు మహాపార్శ్వుని సంహరించిరి. ఇంద్రుని అంతటి పరాక్రమవంతులైన తమ సోదరులు (నరాంతకుడు, దేవాంతకుడు, త్రిశురుడు) మరియు తన పైన తండ్రులైన యుద్ధోన్మత్తుడు (మహోదరుడు), నెత్తురు (మహాపార్శ్వుడు) నిహతులైనందుకు అతికాయుడు అమితముగా దుఃఖించెను. కుంభకర్ణుని వంటి శరీర పరిమాణముతో భయంకరమగు వింటి నారి ధ్వనితో వచ్చుచున్న ఆ రాక్షసుడు ఎవరని శ్రీరాముడు విభీషణుని అడిగెను. అప్పుడు విభీషణుడు రామునితో ఆ వచ్చువాడు రావణుని కుమారుడైన అతికాయుడు. రావణునితో సమానుడు. పెద్దలను సేవించి వేద వేదాంగములను, సర్వాస్త్ర విద్యలను పొందినాడు. ఇతను రావణుని ఒక భార్యయైన ధాన్యమాలిని కొడుకు. తపస్సు చేసి బ్రహ్మ వలన అనేకమైన అస్త్రములను, సురాసురులచే మరణము లేకుండా, దివ్యమగు కవచమును, రథమును మొదలగు  వరములు పొందిన వాడు. కావున మన వానర సైన్యములు నశించక ముందే ఇతని విషయమున తీవ్రమగు ప్రయత్నమూ చేయవలెను అని చెప్పెను. ఆ అతికాయుడు రాముని వద్దకు యేగి "నేను సామాన్యులతో యుద్ధము చేయనని, నాతో యుద్ధము చేయగల పట్టుదల గలవారు ఎవరైన ఉన్నచో యుద్ధము చేయుడు" అని అనెను. అప్పుడు లక్ష్మణుడు క్రోధముతో ధనుష్టంకారము చేసి నిలబడెను. అప్పుడు అతికాయుడు తీవ్రమగు కోపముతో శ్రేష్ఠమైన బాణములను లక్ష్మణుడు పై ప్రయోగించెను. వాటినన్నింటిని లక్ష్మణుడు చేధించెను. అనేకమైన తీవ్రమైన బాణములను ప్రయోగించుచున్నను అతికాయుని వజ్రభూతమగు కవచమునకు తగిలి చివరి ముళుకులచే విరిగి నేలబడెను. అప్పుడు వాయుదేవుడు వచ్చి లక్ష్మణునితో "ఈతనికి బ్రహ్మ వరముచే లభించిన అభేద్యమైన కవచము యున్నది. నీ బాణములేమియు చేయజాలవు. ఈ కవచమును బ్రహ్మాస్త్రముచే చేధింపుము. అది తప్ప వేరొకటి ఈతనిని చంపజాలవు". అని చెప్పెను. అప్పుడు లక్ష్మణుడు బ్రహ్మాస్త్రము ప్రయోగించగా అతికాయుడు శిరస్సు తెగి నేలబడెను. అప్పుడు రావణుడు చింతాక్రాంతుడై ..
 

తం మన్యే రాఘవం వీరం నారాయణ మ౭నామయం  6.72.11
తద్భయా ద్ధి పురీ లంకా పిహిత ద్వార తోరణా
 

ఆ రఘువీరుడు సనాతనమైన శ్రీమన్నారాయణునిగా తలఁచెను. ఆ మహాత్ముని భయముచే లంకానగరము యొక్క అంతర్ద్వారములను, బహిర్ద్వారములను అన్నియు మూతబడినవి కనుక లంకానగరము యొక్క రక్షణ వ్యవస్థ మరియు సీత యుండు అశోకవనము జాగ్రత్త అని రావణుడు రాక్షసులకు ఆజ్ఞ యిచ్చెను. అంత ఇంద్రజిత్ తండ్రి యైన రావణుని అనుమతితో యుద్ధమునకు బయిలు దేరెను.

యుద్ధ కాండము-25

శ్రీరాముడు-యోగరహస్యము-యుద్ధ కాండము-25
కుంభకర్ణుని మరణ వార్తతో రావణుడు విలపించుట
రాక్షసులు కర్మ పరిపక్వమై కుంభకర్ణుడు చనిపోయినాడని రావణునికి నివేదించిరి. పినతండ్రి చనిపోయినాడని విని దేవాంతక నరాంతకులు, త్రిశరుడు, అతికాయుడు ఏడ్చిరి. సోదరుడు చనిపోయినాడని మహోదర, మహాపార్షులు శోకాక్రాంతులైరి. మూర్ఛ నుండి తేరుకున్న పిమ్మట రావణుడు దైన్యముతో విలపింప సాగెను.
హా వీర రిపు దర్పఘ్న కుమ్భకర్ణ మహా బల
త్వం మాం విహాయ వై దైవాద్యా౭౭తో౭సి యమ సాదనం  6.68.10
మమ శల్య మ౭నుద్ధృత్య బాన్ధవానాం మహా బల
శత్రు సైన్యం ప్రతా ప్యైకః క్వ మాం సంత్యజ్య గచ్ఛసి 6.68.11
ఇదానీం ఖ ల్వ౭హం నా౭స్మి యస్య మే దక్షిణో భుజః
పతితో౭యం సమాశ్రిత్య న బిభేమి సురా౭సురాన్   6.68.12
కథమ్ ఏవం విధో వీరో దేవ దానవ దర్పహా
కాలా౭గ్ని రుద్ర ప్రతిమో రణే రామేణ వై హతః      6.68.13
యస్య తే వజ్ర నిష్పేషో న కుర్యా ద్వ్యసనం సదా
స కథం రామ బాణా౭౭ర్తః ప్రసుప్తోఽసి మహీ తలే   6.68.14
ఏతే దేవ గణాః సార్ధమ్ ఋషిభి ర్గగనే స్థితాః
నిహతం త్వాం రణే దృష్ట్వా నినదన్తి ప్రహర్షితాః     6.68.15
ధ్రువమ్ అద్యైవ సంహృష్టా లబ్ధ లక్ష్యాః ప్లవంగమాః
ఆరోక్ష్య న్తీహ దుర్గాణి ల౦కా ద్వారాణి సర్వశః       6.68.16
రాజ్యేన నా౭స్తి మే కార్యం కిం కరిష్యామి సీతయా
కుమ్భకర్ణ విహీనస్య జీవితే నా౭స్తి మే రతిః         6.68.17
య ద్య౭హం భ్రాతృ హన్తారం న హన్మి యుధి రాఘవమ్
నను మే మరణం శ్రేయో న చే దం వ్యర్థ జీవితమ్   6.68.18
అద్యైవ తం గమిష్యామి దేశం యత్రా౭నుజో మమ
న హి భ్రాతౄన్ సముత్సృజ్య క్షణం జీవితు ముత్సహే  6.68.19
దేవా హి మాం హసిష్యన్తి దృష్ట్వా పూర్వా౭పకారిణమ్
కథమ్ ఇన్ద్రం జయిష్యామి కుమ్భకర్ణ హతే త్వయి   6.68.20
త దిదం మా మ౭నుప్రాప్తం విభీషణ వచః శుభమ్
య ద౭జ్ఞానా న్మయా తస్య న గృహీతం మహాత్మనః  6.68.21
విభీషణ వచో యావత్ కుమ్భకర్ణ ప్రహస్తయోః
వినాశోఽయం సముత్పన్నో మాం వ్రీడయతి దారుణః  6.68.22
త స్యా౭యం కర్మణః ప్రాప్తో విపాకో మమ శోక దః
య న్మయా ధార్మికః శ్రీమాన్ స నిరస్తో విభీషణః    6.68.23
ఇతి బహు విధమా౭౭కులా౭న్తరాత్మా
కృపణ మ౭తీవ విలప్య కుమ్భకర్ణమ్
న్యపత ద౭థ దశాననో భృశా౭౭ర్తః
త మ౭నుజమ్ ఇన్ద్ర రిపుం హతం విదిత్వా          6.68.24
శత్రువు యొక్క దర్పము అణచ జాలిన వీరుడు, మహాబలుడు అగు కుంభకర్ణుడు నన్ను విడిచి దైవ వశమున యమలోకమునకు వెళ్ళినాడు. మహాబలా! నా శరీరము పెకిలించకుండనే నీవు నన్ను వదలి వెళ్ళినావు. నా కుడి భుజము విరిగినది. ఇంకా నేను లేనట్లే. నీ సాయముతో నేను దేవతలకు, రాక్షసులకు భయపడకుండా యుంటిని. ప్రళయకాలాగ్ని వలె, రుద్రుని వలె భయంకరమైన నీవు రామునిచే ఎట్లు చంపబడినావు? ఇంద్రుని వజ్రపు దెబ్బ కూడా నీకు బాధను కలిగించలేదు. ఆకాశమున నిలిచి దేవతలు, ఋషులు నీవు చనిపోయినావని చూచి హర్షముతో గర్జించు చున్నారు. వానరులు అవకాశము లభించి ఆనందించు చున్నారు. ఇక వారందరు మన దుర్గములను లంకాద్వారములను ఆరూహించెదరు. నీవు లేని నాకు ఈ రాజ్యము అక్కర లేదు. సీతమ్మ అక్కర లేదు. కుంభకర్ణుడు లేని నేను జీవించుట వ్యర్థము. సోదరుని చంపిన రాముని యుద్ధములో చంపకుండ జీవించుట కంటే మరణించుట మేలు. సోదరుడు వెళ్లిన చోటుకే నేను కూడా వెళ్లెదను. ఆ లోకములో దేవతలు నన్ను చూచి వెనుక వారికి అపకారము చేసినాడను కదా! ఇప్పుడు పరాభవం నందితినని పరిహసించుదురు. నీ తోడు లేని నేను ఇంక ఇంద్రుని జయింపలేను.  విభీషణుడు చెప్పిన మాటయే ఫలించింది. అజ్ఞానము వలన నేను అతని మాట వినక పోతిని. కుంభకర్ణుడు, ప్రహస్తుడు చనిపోవుటచే విభీషణుని మాటలు తలచుకొనిన నాకు సిగ్గుపుట్టుచున్నది. ధార్మికుడగు విభీషణుని వెడల గొట్టిన పాపమునకు ఫలము వచ్చినది. అని దీనంగా మనసు కలత పడి విలపించెను. కుంభకర్ణుడు చనిపోయినాడని దుఃఖముతో నేలపడెను.
శ్రీరామ జయరామ జయజయ రామ

యుద్ధ కాండము-24

శ్రీరాముడు-యోగరహస్యము-యుద్ధ కాండము-24
కుంభకర్ణుని వధ
మహాతేజశ్శాలియైన రాముడు ధనస్సును ధరించి నిలిచి కుంభకర్ణుని చూసినాడు. కుంభకర్ణుడు పర్వతము వంటి దేహము కలవాడు. ఆశ్చర్యముతో రాముడు విభీషణుని అట్టి రాక్షసుడు ఎవ్వరో చెప్పమని అడిగెను. విభీషణుడు ఇట్లు చెపుతున్నాడు. "ఈతడు విశ్రవసుని కుమారుడు. రావణుడి సోదరుడు. యుద్ధములో యముని, ఇంద్రుని ఓడించాడు. మహాబలశాలి. ఇంత ఉన్నతమైన శరీరము గలవాడు వేరొకడు లేడు. దేవతలు ఈతడు మృత్యువని మోహము నొందినారు. జన్మసిద్ధముగనే ఈతడు మహాపరాక్రమశాలి. పుట్టగానే ఆకలి తీవ్రమయి ఈతడు వేలకొలది అనేకమైన జంతువులను భక్షించినాడు. అట్లు అతడు తినివేయుచున్నచో లోకములో ప్రజలే ఉండరని భయపడి ప్రజల విన్నపముపై ఇంద్రుడు వజ్రాయుధముతో ఈతనిని కొట్టెను. అందుకు ఇతను కోపించి ఐరావతము యొక్క దంతము నూడపెరికి, ఆ దంతముచే ఇంద్రుని గుండెలపై కొట్టగా అందుకు దేవతలు, ఋషులు దుఃఖించి బ్రహ్మ వద్ద మొరపెట్టుకొనిరి. బ్రహ్మకు కూడా భయము గొల్పునట్టి అతని రూపము చూడగనే, బ్రహ్మ కుంభకర్ణునితో లోకములను రక్షించుట కొరకు నీవు (కుంభకర్ణుడు) చనిపోయినట్లు పరుండెదవు అని శపించెను. రావణుడు అది చూచి బ్రహ్మతో ఈతడు మీ మునిమనవడు. చెట్టును పెంచవలసిన సమయమున నరికి వేయుట న్యాయము కాదు, నీ వాక్కు అసత్యము కానేరదు కావున తగిన ఉపాయము చేయమని ప్రార్థించెను. అప్పుడు బ్రహ్మ ఈతడు గాఢముగా ఆరు నెలలు నిద్రించును ఆ పిదప ఒక్కరోజు మాత్రమే మెలోకొనును, ఆ ఒక్క రోజుననే భూమిపై సంచరించుచున్న ప్రాణికోటిని అగ్నివలె తినుచుండును అని ఉపశమనము చేసెను. రామా! నీ పరాక్రమముచే భయము నొంది, పరాభవం పొందిన రావణుడు, కుంభకర్ణుని మేల్కొలిపినాడు.   నిద్ర లేచిన కుంభకర్ణుడు తీవ్రమగు కోపముచే వానరులను భక్షించుచున్నాడు. వానరులు అతనిని అడ్డగింపజాలరు. కావున రామా! అతను రాక్షసుడని చెప్పవద్దు. ఒక యంత్రము పైకి లేచినదని చెప్పుము. అప్పుడు వారి భయము కొంత వరకు తగ్గును. విభీషణుడు అట్లు చెప్పగానే రాముడు సేనాపతియైన నీలుని పిలిచి పెద్ద పెద్ద పర్వత శిఖరములు, చెట్లు మొదలగు ఆయుధములచే వానర ప్రముఖులైన గవాక్షుడు, శరభుడు, హనుమ, అంగదుడు మొదలగు వారు పర్వతాకారులై లంకాద్వారము వద్ద కాపుండమని చెప్పెను. కుంభకర్ణుని చూడగనే వానరులు భయభీతులై పరిగెత్తు చుండిరి. అప్పుడు వారిని చూచి అంగదుడు ఇట్లు చెప్పెను వానరులారా! ప్రాణములను రక్షించుకొనుటకు ఎక్కడికి పారిపోవుదురు. మీరు ఎక్కడికి వెళ్లినను కుంభకర్ణుడు మిమ్ములను వెంటాడి వెంటాడి చంపును. లేదా రాజాజ్ఞ లేకుండా యుద్ధ రంగము నుంచి పారిపోయినందుకు సుగ్రీవుడు మిమ్ములను బ్రతుకనీయడు. ఈ రాక్షసుడు మనముందు యుద్ధమునకు జాలడు. కేవలము మనను భయపెట్టుటకు చేయు ప్రయత్నము మాత్రమే! అని వారికి అంగదుడు ధైర్యము నూరిపోయగా వారు వెనుకకు వచ్చి మదపుటేనుగు వలె కుంభకర్ణుని కొట్టిరి. కుంభకర్ణుడు మిగుల క్రుద్ధుడై చెలరేగిన దావాగ్ని వనములను దహించి వేయునట్లు మహాబలశాలురైన వానరులను నుగ్గు నుగ్గు గావించెను. కుంభకర్ణుడు వానరులలో కొంతమందిని సముద్రములో విసిరి వేసెను. కొంతమందిని ఆకాశములో ఎగుర వేసెను.
తాన్ సమీక్ష్యా౭౦గదో భగ్నాన్ వానరాన్ ఇద మ౭బ్రవీత్   6.66.18
అవతిష్ఠత యుధ్యామో నివర్తధ్వం ప్లవంగమాః
శయామహే౭థ నిహతాః పృథివ్యా మ౭ల్పజీవితాః
దుష్ప్రాపం బ్రహ్మలోకం వా ప్రాప్నుమో యుధి సూదితాః   6.66.25
సంప్రాప్నుయామః కీర్తిం వా నిహత్య శత్రుమ్ ఆహవే
జీవితం వీరలోకస్య భోక్ష్యామో వసు వానరాః       6.66.26
అంగదుడు వారితో, ఓ వానరవీరులారా! ఆగుడు. వెనుకకు మరలుడు. వానితో మనమందరము కలసి యుద్ధము చేసెదము. మనము చిన్న శరీరము గలవారమైనప్పటికీ శత్రువుచే చంపబడి యుద్ధభూమి యందు పరుండినప్పటికీ కుయోగులకు పరమ దుర్లభమైన బ్రహ్మలోకము మనకు సంప్రాప్తించును. అట్లుకాక యుద్ధము నందు మనమే శత్రువులను వధించినచో మనకు కీర్తి లభించును. లేదా మనమే రణరంగమున అసువులు బాసినచో వీరస్వర్గ సుఖములను అనుభవింతుము. అప్పుడు కుంభకర్ణుడు, రోషముతో అంగదునిపై శూలము విసరగా దానిని చాకచక్యంగా తప్పించుకొని కుంభకర్ణుని గుండెలపై కొట్టెను. వెంటనే కుంభకర్ణుడు అంగదుని పిడికిలితో కొట్టగా అంగదుడు మూర్ఛ నొందెను. సుగ్రీవుడు కోపముతో కుంభకర్ణునిపై యుద్ధమునకు రాగా, కుంభకర్ణుడు సుగ్రీవునితో నీవు బ్రహ్మ మనవడవు[1]. ప్రసిద్ధమైన పౌరుషముగలవాడవు అని చెప్పి సుగ్రీవునితో తలపడెను. కుంభకర్ణుడు తన వాడియైన శూలముతో తలపడగా హనుమ ఆ శూలమును లాగి పట్టుకొని తన మోకాలున ఆనించి విరచెను. ఆ శూలము వెయ్యి బారువుల ఉక్కుతో చేయబడినది. వెంటనే కుంభకర్ణుడు మలయపర్వత శిఖరమును ఒకదానిని తీసుకొని సుగ్రీవుని కొట్టగా సుగ్రీవుడు తెలివితప్పి నేలపై పడెను. వెంటనే ఆ సుగ్రీవుని తీసుకొని కుంభకర్ణుడు లంకలోకి తీసుకొనిపోవుచుండెను. అప్పుడు హనుమంతుడు ఈ విధముగా ఆలోచించెను. "నేను పర్వతమంత శరీరమును పెంచి కుంభకర్ణుని చంపి వానర రాజును విడిపించెదను. అట్లు చేసినచో ఒక సేవకుని ద్వారా ప్రాణరక్షణ పొందినందుకు సుగ్రీవుని మనసుకు క్లేశము  నొందును. అతని కీర్తి మాసిపోవును. కొంచెము సేపు సైన్యము చెదిరిపోకుండా నిరీక్షించెదను" అని తలచి సైన్యము చెదిరిపోకుండా ఆపెను. కుంభకర్ణుడు సుగ్రీవుని ఎత్తుకొని రాజవీధులలో పోవుచుండగా ఎత్తైన గోపురముల నుండి రాక్షసులు పుష్ప వర్షము కురిపించగా ఆ చల్లదనానికి సుగ్రీవునికి మెలుకువ వచ్చెను. అప్పుడు తన గోళ్ళతో కుంభకర్ణుని చెవులను, పళ్లతో ముక్కును, గోళ్ళతో పక్కలను చీల్చుతూ భాధించుచుండగా కుంభకర్ణునికి కోపము వచ్చి సుగ్రీవుని క్రింద పడవేసి యుద్ధము చేసెను. అట్లు క్రిందపడవేయగనే సుగ్రీవుడు తప్పించుకొని ఒక్కసారి పైకెగిరి రాముని వద్దకు వచ్చి చేరెను. అప్పుడు కుంభకర్ణుడు మరల కోపము తెచ్చుకొని ఓడలు తెలియక వానరులను, రాక్షసులను, పిశాచులను, ఎలుగుబంట్లను కూడా తినివేయుచుండెను. అప్పుడు వానరులు భయపడి రాముని వద్దకు పరిగెత్తగా, లక్ష్మణుడు యుద్ధము చేయుటకు సిద్ధమయ్యెను. కుంభకర్ణుడు లక్ష్మణుని వదిలి తిన్నగా రాముని వద్దకే వెళ్లెను. రాముడు రౌద్రాస్త్రమును ప్రయోగించగా, ఆ రామాస్త్ర బాణమునకు  దెబ్బతిన్న కుంభకర్ణుడు భయంకరముగా అరచుతూ, వానరులను చెదరకొట్టుచు పరిగెత్తెను. చేతిలోని ఆయుధములన్నియు జారిపోయినవి. అయినను చేతులతోనే యుద్ధము చేయుచుండెను. రాముడు కోపముతో, పూర్వము వాలిని వధియించినది, ఏడు మద్దిచెట్లను చేధించినది అయినట్టి బాణమును కుంభకర్ణునిపై ప్రయోగించగా, అది అతనికి ఎట్టి వేదనను కలుగచేయలేదు. రాముడు వెంటనే కుంభకర్ణునిపై వాయువ్యాస్త్రమును ప్రయోగించెను. అది కుంభకర్ణుని ముద్గరమును చేతితో సహా ఖండించెను. అప్పుడు కుంభకర్ణుడు రెండవ చేతితో ఒక చెట్టును పెకలించి రామునిపైకి పరిగెత్తెను. అప్పుడు రాముడు ఐన్ద్ర అస్త్రముతో రెండవ భుజమును ఖండించెను. రెండు అర్థచంద్రాకార బాణములతో అతని రెండు పాదములను ఖండించెను. నోరు తెరుచుకొని వచ్చుచుండగా అతని నోటిని బాణములతో నింపెను. మరియొక వజ్రపు మొనగలిగిన బాణముతో కుంభకర్ణుని శిరస్సును చేధించెను. దేవతలు, వానరులు అందరూ సంతసించిరి. 
కుంభకర్ణుడు అనగా కుంభముల వంటి చెవులు గలవాడు. కేవలము శ్రవణము ద్వారా పూర్ణ జ్ఞానము సాధించాను అని అనుకొనెడిసాధక వృత్తి. పర్వతాకారుడు మరియు అతి నిద్రాలోలుడు. అనగా సాధకుని యందలి వృత్తులు సూర్యుని ప్రకాశముచే (జ్ఞానముచే) ఎప్పుడు మేల్కొనకుండా అవిద్యచే యుండుట. అట్టి అవిద్యా రూపమైన కుంభకర్ణుని ముక్కు చెవులు కోసి ఆకర్షణ విహీనము చేసి రామ సాధకుడు సంహరింప వలెను.
శ్రీరామ జయరామ జయజయ రామ
[1] బ్రహ్మదేవుని మానస పుత్రుడు ఋక్షరజసుడు. అతడు ఒకనాడు ఒక సరస్సులో మునగగా అందమైన స్త్రీమూర్తిగా మారెను. (పార్వతీదేవి స్నానవిహారాదులను గావించెడి సరస్సులో రాక్షసులు మునుగ సాగిరి. అందులకు కుపితయైన పార్వతి ఆ సరస్సులో స్నానము చేసిన పురుషులు స్త్రీలుగా మారుదురని వచించెను. అట్లు ఆ శాపమునకు గురియైన ఆ సరస్సుయే ఋక్షరజసుడు మునిగిన సరస్సు). స్త్రీ మూర్తిగా మారిన అట్టి  ఋక్షరజసుడును చూచి ఇంద్రుడు, సూర్యుడు మోహపడగా వారి రేతస్సు స్కలన మయ్యెను. ఇంద్రుని రేతస్సు వాలము నందు పడుటచే వాలియు, సూర్యుని రేతస్సు కంఠము మీద యందు పడుటచే సుగ్రీవుడు జన్మించిరి. బ్రహ్మ జూచి ఋక్షరజసుడుని వేరొక సరస్సులో స్నానము చేయించగా ఋక్షరజసుడు మరల వానరుడయ్యెను. అందుచే సుగ్రీవుడు బ్రహ్మ మనవడు.

యుద్ధ కాండము-23

శ్రీరాముడు-యోగరహస్యము-యుద్ధ కాండము-23
కుంభకర్ణుడు రావణునకు హితము చెప్పుట
కుంభకర్ణుడు పుష్పక విమానము నందు మనసు చెదరి దిగులుతో యున్న రావణుని చూచి నమస్కరించి తనను రప్పించిన కారణమేమని తెలుసుకొనగోరెను. అప్పుడు రావణుడు, తమ్ముడైన కుంభకర్ణునితో ... రాముడు, వానర రాజైన సుగ్రీవునితో మరియు అతని అశేష వానర సైన్యముతో సముద్రమునకు వారధి కట్టి లంకలో ప్రవేశించారు. మన రాక్షసులలో ప్రధానమైన వారిని చంపినారు. వారిలో ప్రధానమైన వాడు ఒక్కడు చనిపోలేదు. నా కోశము, బలము కూడా అంతమగుచున్నది. నీవు అజేయ పరాక్రముడవు కావున నీ పరాక్రమముచే వానర సైన్యమును చెదరగొట్టుము.
రాక్షసరాజగు రావణుడు దీనంగా మాటాడుట కుంభకర్ణునకు నవ్వు తెప్పించెను. ఈ విధముగా పలికెను. యుద్ధ ప్రారంభములో నీవు మాతో ఆలోచన చేసినప్పుడు, సీతాపహరణము నందలి దోషములను చెప్పి యున్నాము. అప్పుడు నీకు మా మాటలు రుచింపలేదు. పాపకర్మకు తగిన ఫలితము  అనుభవించక తప్పదు.  వీర్యము ఉన్నదని దర్పముతో తరువాత వచ్చెడి ఆపదలను ఆలోచించినావు కాదు. నీకు అధికారము యున్నది కదా యని తప్పు పని చేసి ఇప్పుడు విచారించుట వలన ప్రయోజనమేమి?
యః పశ్చాత్ పూర్వ కార్యాణి కుర్యా దైశ్వర్య మా౭౭స్థితః
పూర్వం చోత్తర కార్యాణి న స వేద నయా౭నయౌ 6.63.5
దేశ కాల విహీనాని కర్మాణి విపరీత వత్
క్రియ మాణాని దుష్యన్తి హవీం ష్య౭ప్రయతే ష్వివ 6.63.6
ధర్మమ్ అర్థం చ కామం చ సర్వాన్ వా రక్షసాం పతే
భజతే పురుషః కాలే త్రీణి ద్వన్ద్వాని వా పునః     6.63.9
త్రిషు చైతేషు య చ్ఛ్రేష్ఠం శ్రుత్వా త న్నా౭వబుధ్యతే
 రాజా వా రాజ మాత్రో వా వ్యర్థం తస్య బహు శ్రుతమ్ 6.63.10
అస్మిన్ కాలే తు య ద్యుక్తం త దిదానీం విధీయతామ్
గతం తు నా౭నుశోచంతి గతం తు గత మేవ హి 6.63.25
స సుహృద్యో విపన్నా౭ర్థం దీన మ౭భ్య౭వపద్యతే  6.63.27
స బన్ధు ర్యోఽపనీతేషు సాహాయ్యా యోపకల్పతే
గర్జన్తి న వృథా శూరా: నిర్జలా ఇవ తోయదాః
పశ్య సంపాద్యమానం తు గర్జితం యుధి కర్మణా  6.64.3
న మర్షయతి చా౭౭త్మానం సంభావయతి నా౭౭త్మనా
అదర్శయిత్వా శూరా స్తు కర్మ కుర్వన్తి దుష్కరమ్ 6.64.4
ఏ కార్యము నైనను చేయుటకు ముందు మంత్రులతో, పెద్దలతో ఆలోచించి చేయవలెను. ముందు కార్యము చేసిన తరువాత ఆలోచన చేయుట నీతి మార్గమునకు విరుద్ధము. దేశకాలములకు అనుగుణముగా కాక అంధులకు విపరీతముగా చేయబడు కార్యములు సంస్కారహీనులు అగ్నియోహోత్రము నందు అర్పించిన హవిస్సు వలె నిష్ఫలము అగును. రాజులు చేయవలసిన కార్యములు మూడు రకములుగా యుండును. ఉత్తమము, మధ్యమము, అధమము. నీతిజ్ఞుడగు వాడు ధర్మమును గాని, అర్థమును గాని, లేక అన్నింటిని కాని ఉపయుక్తమైన సమయము నందే సేవించ వలెను. ధర్మ, అర్థ, కామముల మూడింటిలో ధర్మమే శ్రేష్టమైనది. కావున విశేష అవసరము లందు  అర్థ, కామములను ఉపేక్షించి ధర్మమునే సేవించ వలయును. ఈ విషయమును విశ్వసనీయులగు జనుల ద్వారా వినియు ఏ రాజు తెలిసికొనడో, లేక తెలిసికొనియు సవీకరింపడో అట్టి వాని యొక్క పెక్కు శాస్త్రముల అధ్యయనము వ్యర్థమేయగును. సరి!  గడచి పోయినదేదియో గడచిపోయినది. బుద్ధిమంతులు  గడచిన దానిని  గూర్చి మరల శోకింపరు. ఇప్పుడు మనమేమి చేయవలెనో దానిని గూర్చి విచారింపుడు. ఎవడు కార్యమంతయు నష్టపోవుటచే దుఃఖితుడయ్యు స్వజనులపై ఆకారణముగనే అనుగ్రహము చూపునో అతడే సుహృత్తు. మరియు ఎవడు అనీతి మార్గమున జనుటచే సంకటము పడిన జనులకు సహాయమొనర్చునో అతడే బంధువు. శూరవీరులు  జలరహిత మేఘము వలె వ్యర్థముగా గర్జన చేయరు. యుద్ధస్థలమున నేను నా పరాక్రమముచే గర్జన చేయుట చూడుము.  శూరవీరులు తమ నోటితోనే తమ గొప్ప చెప్పుకొనుటను సహింపరు. వారు వాక్కు ద్వారా ప్రదర్శనము చేయక దుష్కర పరాక్రమమును ప్రకటించుదురు. మహాబలశాలియగు కుంభకర్ణుడు పర్వత శిఖరము వలె ఎత్తుగాను, విశాల దేహము గలిగి యుండెను. అతడు ఈ ప్రకారముగా పలికి వెంటనే ప్రాకారమును దాటి మహావేగముగా నగరము వెలుపలికి పోయెను.
శ్రీరామ జయరామ జయజయ రామ
శ్రీరాముడు-యోగరహస్యము-యుద్ధ కాండము-24
కుంభకర్ణుని వధ
మహాతేజశ్శాలియైన రాముడు ధనస్సును ధరించి నిలిచి కుంభకర్ణుని చూసినాడు. కుంభకర్ణుడు పర్వతము వంటి దేహము కలవాడు. ఆశ్చర్యముతో రాముడు విభీషణుని అట్టి రాక్షసుడు ఎవ్వరో చెప్పమని అడిగెను. విభీషణుడు ఇట్లు చెపుతున్నాడు. "ఈతడు విశ్రవసుని కుమారుడు. రావణుడి సోదరుడు. యుద్ధములో యముని, ఇంద్రుని ఓడించాడు. మహాబలశాలి. ఇంత ఉన్నతమైన శరీరము గలవాడు వేరొకడు లేడు. దేవతలు ఈతడు మృత్యువని మోహము నొందినారు. జన్మసిద్ధముగనే ఈతడు మహాపరాక్రమశాలి. పుట్టగానే ఆకలి తీవ్రమయి ఈతడు వేలకొలది అనేకమైన జంతువులను భక్షించినాడు. అట్లు అతడు తినివేయుచున్నచో లోకములో ప్రజలే ఉండరని భయపడి ప్రజల విన్నపముపై ఇంద్రుడు వజ్రాయుధముతో ఈతనిని కొట్టెను. అందుకు ఇతను కోపించి ఐరావతము యొక్క దంతము నూడపెరికి, ఆ దంతముచే ఇంద్రుని గుండెలపై కొట్టగా అందుకు దేవతలు, ఋషులు దుఃఖించి బ్రహ్మ వద్ద మొరపెట్టుకొనిరి. బ్రహ్మకు కూడా భయము గొల్పునట్టి అతని రూపము చూడగనే, బ్రహ్మ కుంభకర్ణునితో లోకములను రక్షించుట కొరకు నీవు (కుంభకర్ణుడు) చనిపోయినట్లు పరుండెదవు అని శపించెను. రావణుడు అది చూచి బ్రహ్మతో ఈతడు మీ మునిమనవడు. చెట్టును పెంచవలసిన సమయమున నరికి వేయుట న్యాయము కాదు, నీ వాక్కు అసత్యము కానేరదు కావున తగిన ఉపాయము చేయమని ప్రార్థించెను. అప్పుడు బ్రహ్మ ఈతడు గాఢముగా ఆరు నెలలు నిద్రించును ఆ పిదప ఒక్కరోజు మాత్రమే మెలోకొనును, ఆ ఒక్క రోజుననే భూమిపై సంచరించుచున్న ప్రాణికోటిని అగ్నివలె తినుచుండును అని ఉపశమనము చేసెను. రామా! నీ పరాక్రమముచే భయము నొంది, పరాభవం పొందిన రావణుడు, కుంభకర్ణుని మేల్కొలిపినాడు.   నిద్ర లేచిన కుంభకర్ణుడు తీవ్రమగు కోపముచే వానరులను భక్షించుచున్నాడు. వానరులు అతనిని అడ్డగింపజాలరు. కావున రామా! అతను రాక్షసుడని చెప్పవద్దు. ఒక యంత్రము పైకి లేచినదని చెప్పుము. అప్పుడు వారి భయము కొంత వరకు తగ్గును. విభీషణుడు అట్లు చెప్పగానే రాముడు సేనాపతియైన నీలుని పిలిచి పెద్ద పెద్ద పర్వత శిఖరములు, చెట్లు మొదలగు ఆయుధములచే వానర ప్రముఖులైన గవాక్షుడు, శరభుడు, హనుమ, అంగదుడు మొదలగు వారు పర్వతాకారులై లంకాద్వారము వద్ద కాపుండమని చెప్పెను. కుంభకర్ణుని చూడగనే వానరులు భయభీతులై పరిగెత్తు చుండిరి. అప్పుడు వారిని చూచి అంగదుడు ఇట్లు చెప్పెను వానరులారా! ప్రాణములను రక్షించుకొనుటకు ఎక్కడికి పారిపోవుదురు. మీరు ఎక్కడికి వెళ్లినను కుంభకర్ణుడు మిమ్ములను వెంటాడి వెంటాడి చంపును. లేదా రాజాజ్ఞ లేకుండా యుద్ధ రంగము నుంచి పారిపోయినందుకు సుగ్రీవుడు మిమ్ములను బ్రతుకనీయడు. ఈ రాక్షసుడు మనముందు యుద్ధమునకు జాలడు. కేవలము మనను భయపెట్టుటకు చేయు ప్రయత్నము మాత్రమే! అని వారికి అంగదుడు ధైర్యము నూరిపోయగా వారు వెనుకకు వచ్చి మదపుటేనుగు వలె కుంభకర్ణుని కొట్టిరి. కుంభకర్ణుడు మిగుల క్రుద్ధుడై చెలరేగిన దావాగ్ని వనములను దహించి వేయునట్లు మహాబలశాలురైన వానరులను నుగ్గు నుగ్గు గావించెను. కుంభకర్ణుడు వానరులలో కొంతమందిని సముద్రములో విసిరి వేసెను. కొంతమందిని ఆకాశములో ఎగుర వేసెను.
తాన్ సమీక్ష్యా౭౦గదో భగ్నాన్ వానరాన్ ఇద మ౭బ్రవీత్   6.66.18
అవతిష్ఠత యుధ్యామో నివర్తధ్వం ప్లవంగమాః
శయామహే౭థ నిహతాః పృథివ్యా మ౭ల్పజీవితాః
దుష్ప్రాపం బ్రహ్మలోకం వా ప్రాప్నుమో యుధి సూదితాః   6.66.25
సంప్రాప్నుయామః కీర్తిం వా నిహత్య శత్రుమ్ ఆహవే
జీవితం వీరలోకస్య భోక్ష్యామో వసు వానరాః       6.66.26
అంగదుడు వారితో, ఓ వానరవీరులారా! ఆగుడు. వెనుకకు మరలుడు. వానితో మనమందరము కలసి యుద్ధము చేసెదము. మనము చిన్న శరీరము గలవారమైనప్పటికీ శత్రువుచే చంపబడి యుద్ధభూమి యందు పరుండినప్పటికీ కుయోగులకు పరమ దుర్లభమైన బ్రహ్మలోకము మనకు సంప్రాప్తించును. అట్లుకాక యుద్ధము నందు మనమే శత్రువులను వధించినచో మనకు కీర్తి లభించును. లేదా మనమే రణరంగమున అసువులు బాసినచో వీరస్వర్గ సుఖములను అనుభవింతుము. అప్పుడు కుంభకర్ణుడు, రోషముతో అంగదునిపై శూలము విసరగా దానిని చాకచక్యంగా తప్పించుకొని కుంభకర్ణుని గుండెలపై కొట్టెను. వెంటనే కుంభకర్ణుడు అంగదుని పిడికిలితో కొట్టగా అంగదుడు మూర్ఛ నొందెను. సుగ్రీవుడు కోపముతో కుంభకర్ణునిపై యుద్ధమునకు రాగా, కుంభకర్ణుడు సుగ్రీవునితో నీవు బ్రహ్మ మనవడవు[1]. ప్రసిద్ధమైన పౌరుషముగలవాడవు అని చెప్పి సుగ్రీవునితో తలపడెను. కుంభకర్ణుడు తన వాడియైన శూలముతో తలపడగా హనుమ ఆ శూలమును లాగి పట్టుకొని తన మోకాలున ఆనించి విరచెను. ఆ శూలము వెయ్యి బారువుల ఉక్కుతో చేయబడినది. వెంటనే కుంభకర్ణుడు మలయపర్వత శిఖరమును ఒకదానిని తీసుకొని సుగ్రీవుని కొట్టగా సుగ్రీవుడు తెలివితప్పి నేలపై పడెను. వెంటనే ఆ సుగ్రీవుని తీసుకొని కుంభకర్ణుడు లంకలోకి తీసుకొనిపోవుచుండెను. అప్పుడు హనుమంతుడు ఈ విధముగా ఆలోచించెను. "నేను పర్వతమంత శరీరమును పెంచి కుంభకర్ణుని చంపి వానర రాజును విడిపించెదను. అట్లు చేసినచో ఒక సేవకుని ద్వారా ప్రాణరక్షణ పొందినందుకు సుగ్రీవుని మనసుకు క్లేశము  నొందును. అతని కీర్తి మాసిపోవును. కొంచెము సేపు సైన్యము చెదిరిపోకుండా నిరీక్షించెదను" అని తలచి సైన్యము చెదిరిపోకుండా ఆపెను. కుంభకర్ణుడు సుగ్రీవుని ఎత్తుకొని రాజవీధులలో పోవుచుండగా ఎత్తైన గోపురముల నుండి రాక్షసులు పుష్ప వర్షము కురిపించగా ఆ చల్లదనానికి సుగ్రీవునికి మెలుకువ వచ్చెను. అప్పుడు తన గోళ్ళతో కుంభకర్ణుని చెవులను, పళ్లతో ముక్కును, గోళ్ళతో పక్కలను చీల్చుతూ భాధించుచుండగా కుంభకర్ణునికి కోపము వచ్చి సుగ్రీవుని క్రింద పడవేసి యుద్ధము చేసెను. అట్లు క్రిందపడవేయగనే సుగ్రీవుడు తప్పించుకొని ఒక్కసారి పైకెగిరి రాముని వద్దకు వచ్చి చేరెను. అప్పుడు కుంభకర్ణుడు మరల కోపము తెచ్చుకొని ఓడలు తెలియక వానరులను, రాక్షసులను, పిశాచులను, ఎలుగుబంట్లను కూడా తినివేయుచుండెను. అప్పుడు వానరులు భయపడి రాముని వద్దకు పరిగెత్తగా, లక్ష్మణుడు యుద్ధము చేయుటకు సిద్ధమయ్యెను. కుంభకర్ణుడు లక్ష్మణుని వదిలి తిన్నగా రాముని వద్దకే వెళ్లెను. రాముడు రౌద్రాస్త్రమును ప్రయోగించగా, ఆ రామాస్త్ర బాణమునకు  దెబ్బతిన్న కుంభకర్ణుడు భయంకరముగా అరచుతూ, వానరులను చెదరకొట్టుచు పరిగెత్తెను. చేతిలోని ఆయుధములన్నియు జారిపోయినవి. అయినను చేతులతోనే యుద్ధము చేయుచుండెను. రాముడు కోపముతో, పూర్వము వాలిని వధియించినది, ఏడు మద్దిచెట్లను చేధించినది అయినట్టి బాణమును కుంభకర్ణునిపై ప్రయోగించగా, అది అతనికి ఎట్టి వేదనను కలుగచేయలేదు. రాముడు వెంటనే కుంభకర్ణునిపై వాయువ్యాస్త్రమును ప్రయోగించెను. అది కుంభకర్ణుని ముద్గరమును చేతితో సహా ఖండించెను. అప్పుడు కుంభకర్ణుడు రెండవ చేతితో ఒక చెట్టును పెకలించి రామునిపైకి పరిగెత్తెను. అప్పుడు రాముడు ఐన్ద్ర అస్త్రముతో రెండవ భుజమును ఖండించెను. రెండు అర్థచంద్రాకార బాణములతో అతని రెండు పాదములను ఖండించెను. నోరు తెరుచుకొని వచ్చుచుండగా అతని నోటిని బాణములతో నింపెను. మరియొక వజ్రపు మొనగలిగిన బాణముతో కుంభకర్ణుని శిరస్సును చేధించెను. దేవతలు, వానరులు అందరూ సంతసించిరి. 
కుంభకర్ణుడు అనగా కుంభముల వంటి చెవులు గలవాడు. కేవలము శ్రవణము ద్వారా పూర్ణ జ్ఞానము సాధించాను అని అనుకొనెడిసాధక వృత్తి. పర్వతాకారుడు మరియు అతి నిద్రాలోలుడు. అనగా సాధకుని యందలి వృత్తులు సూర్యుని ప్రకాశముచే (జ్ఞానముచే) ఎప్పుడు మేల్కొనకుండా అవిద్యచే యుండుట. అట్టి అవిద్యా రూపమైన కుంభకర్ణుని ముక్కు చెవులు కోసి ఆకర్షణ విహీనము చేసి రామ సాధకుడు సంహరింప వలెను.
శ్రీరామ జయరామ జయజయ రామ
[1] బ్రహ్మదేవుని మానస పుత్రుడు ఋక్షరజసుడు. అతడు ఒకనాడు ఒక సరస్సులో మునగగా అందమైన స్త్రీమూర్తిగా మారెను. (పార్వతీదేవి స్నానవిహారాదులను గావించెడి సరస్సులో రాక్షసులు మునుగ సాగిరి. అందులకు కుపితయైన పార్వతి ఆ సరస్సులో స్నానము చేసిన పురుషులు స్త్రీలుగా మారుదురని వచించెను. అట్లు ఆ శాపమునకు గురియైన ఆ సరస్సుయే ఋక్షరజసుడు మునిగిన సరస్సు). స్త్రీ మూర్తిగా మారిన అట్టి  ఋక్షరజసుడును చూచి ఇంద్రుడు, సూర్యుడు మోహపడగా వారి రేతస్సు స్కలన మయ్యెను. ఇంద్రుని రేతస్సు వాలము నందు పడుటచే వాలియు, సూర్యుని రేతస్సు కంఠము మీద యందు పడుటచే సుగ్రీవుడు జన్మించిరి. బ్రహ్మ జూచి ఋక్షరజసుడుని వేరొక సరస్సులో స్నానము చేయించగా ఋక్షరజసుడు మరల వానరుడయ్యెను. అందుచే సుగ్రీవుడు బ్రహ్మ మనవడు.

యుద్ధ కాండము-22

శ్రీరాముడు-యోగరహస్యము-యుద్ధ కాండము-22
కుంభకర్ణుని మేల్కొల్పుట
రావణుడు, రాముని బాణములకు భయపడి, దర్పములుడిగి, చెదిరిన మనసుతో లంకలో ప్రవేశించెను. వసిష్ఠుని చేతిలోని బ్రహ్మదండము వలె రాముని బాణములను తలచుకొని మిక్కిలి భయభీతుడయ్యెను. మనసు కుదుటబడక సభలోకి వెళ్లి రాక్షస ప్రముఖులను చూచి ఇట్లు పలికెను.
విదితం మానుషం మన్యే రామం దశరథా౭౭త్మజం
ఇక్ష్వాకు కుల నాథేన అనరణ్యేన య త్పురా        6.60.8
 ఉత్పత్యతే హి మద్వంశే పురుషో రాక్షసా౭ధమ
 య స్త్వాం సపుత్రం సా౭మాత్యం సబలం సా౭శ్వ సారథిం     6.60.9
 నిహనిష్యతి సంగ్రామే త్వాం కులా౭ధమ దుర్మతే
 శప్తో౭హం వేదవత్యా చ యదా సా ధర్శితా పురా 6.60.10
 సే౭యం సీతా మహా భాగా జాతా జనక నందినీ
 ఉమా నందీశ్వర శ్చా౭పి రంభా వరుణ కన్యకా  6.60.11
 యథోక్తా స్తపసా ప్రాప్తం న మిథ్యా  ఋషి భాషితం
"నేను ఎంతో తీవ్రమగు తపస్సు చేసితిని. అంతయు వ్యర్థమైనది. ఒక మనుష్యుడు నన్ను ఓడించినాడు. మనుష్యుల వలన చావు రాకూడదని నేను బ్రహ్మ దగ్గర వరము కోరుకొనలేదు. లోగడ ఇక్ష్వాకు వంశజుడైన అనరణ్యుడు, వేదవతి, ఉమ (పార్వతి), నందీశ్వరుడు, నలకూబరుడు, బ్రహ్మ ఇచ్చిన శాపములు వ్యర్థము కావు కదా! కుంభకర్ణుడు బ్రహ్మ శాపముచే నిద్రించినది మొదలు ఆరు మాసముల వరకు లేవడు. అతడు నిద్రావశమున యున్నాడు. అతడు అప్రతిమ గంభీరుడు. దేవదానవులు దర్పమును అణచగలవాడు. అతడు సర్వ రాక్షస శ్రేష్ఠుడు. యుద్ధములో ఇద్దరు రాజపుత్రులను, వానరులను శీఘ్రముగా వధింప గలడు.  నిద్రాపరవశుడై యున్న కుంభకర్ణుని నిద్రలేపుము" అని రావణుడు ఆజ్ఞాపించాడు. ఇట్లు రాక్షస రాజు పలుకగనే కుంభకర్ణుని నిద్రలేపుటకు కుంభకర్ణభవనమునకు రాక్షసులు బయలుదేరిరి. రావణాజ్ఞను అనుసరించి మాంసము, రక్తము మొదలగు ఆహారపదార్థములు, పరిమళ ద్రవ్యములు, రకరకముల భక్షములను తీసుకొని కుంభకర్ణుడు నిద్రించుచున్న గుహకు చేరుకొనిరి. చందనమును అతని ఒడలిపై పూసిరి. ధూపము వేసిరి. పెద్ద పెద్ద కేకలను వేసిరి. శంఖములను పూరించిరి. మేఘముల వలె గర్జించిరి. ఇటునటు కదిల్చిరి. సింహనాదములను చేసిరి. పెద్ద పెద్ద సుత్తులతో మోదిరి. రోకళ్ళతో, గధలతో ప్రహరించిరి. పర్వత శిఖరములను, వృక్షములను మీద పడవేసిరి. కొన్నివేల మంది ఒక్కసారి గొడ్డళ్లను, పానవములను, భేరీలు, శంఖములను, కుంభములను మ్రోగించి ధ్వని చేసిరి. పెద్ద పెద్ద కాష్ఠములతో, స్తంభములతో తమ శక్తి యున్నంత వరకు పూనిక కొట్టిలేపిరి. కొందరు అతని కేశములు ఊడబెరికిరి. చెవులు కొరికిరి. చల్లటి నీటిని అతని చెవులలో పోసిరి. మహానిద్రావశుడై యున్న కుంభకర్ణుడు నిద్ర లేవలేదు. వేయి ఏనుగులను తెప్పించి అతని శరీరముపై పరిగెత్తించిరి. అప్పడుగాని కుంభకర్ణునికి కొంచెము తెలివి వచ్చి స్పర్శ గ్రహించాడు. కొంత సేపటికి నిద్ర మత్తు తొలగినది. ఆకలి అధికముగా వేయుచున్నది. పెద్దగా ఆవలించుతూ లేచెను. పెద్ద పెద్ద రెండు పర్వత శిఖరములు కదలి వచ్చుచున్నావా అనునట్లు రెండు బాహువులను చాచాడు. అతని ముఖము పాతాళము వలె అగాథము అయి కనబడెను. అతని కనులు కాలాగ్ని వలె, రెండు గ్రహ గోళముల వలె మెరయు చుండెను. ఆకలితో వివిధములైన భక్ష్యములను, వరాహములను, మహిషములను తినెను. రక్తమును త్రాగెను. తృప్తి కలిగిన కుంభకర్ణుడు రాక్షసులను చూచి భయపడవలదు అని ధైర్యము చెప్పెను. తనను నిద్రలేపుటకు గల కారణమడిగెను. అప్పుడు విరూపాక్షుడను రాక్షస మంత్రి నర (రామలక్ష్మణులు), వానరులు లంకను చుట్టుముట్టారు. యుద్ధములో రావణుడు ఓడిపోయి వంటరివాడు కాగా రాముడు ప్రాణములు పోయే పరిస్థితి కల్పించి వదిలినాడు. ఇంతకంటే రావణునికి పరాభవమేముండును? అప్పుడు కుంభకర్ణుడు వెంటనే యుద్ధభూమికి వెళ్లి రామలక్ష్మణులను, వానరులను చంపి రావణ దర్శనము చేసుకొనెదని అనెను. అప్పుడు మహోదరుడు, రాముని ఒక్కడు ఎదురించుట సాధ్యము కాదు కావున ముందుగా రావణుని కలవవలెనని చెప్పెను. ఈ వార్త వారంతా రావణునికి తెలియజేసిరి. కుంభకర్ణుడు సోదర భవనమునకు వెళ్లునప్పుడు రాక్షసులు చేతులు జోడించి నిలిచిరి. వానరులు ఒక పెద్ద కొండ శిఖరము నడచి వెళ్లుచున్నట్లు అనుకోని భయపడి రాముని శరణు వేడిరి.